Валери Багаҭелиа – ахортә капелла асолист, агәыԥ "Бабаду" иалан еибашьуаз, Гәымсҭатәи афронт ахәбатәи абаталион аҩбатәи арота акомандир ихаҭыԥуаҩс дыҟан. Дҭахеит Марттәи ажәалыраан. Усҟан дицҭахеит иҩыза Резо Чачхалиагьы. Валери Багаҭелиа аибашьра ацәаҳәаҿы иаԥиҵаз ашәақәа хәыҷи-дуи еицырҳәоны иҟалеит. Ақырҭцәа иршьыз иԥҳа хәыҷы Рада илыхьӡынҩылаз ашәа акәзар, апроект "Ҳара ҳаруаа реиҳабы" иалалеит.
Бориси Валереи еибадырит Рига. Борис уаҟа иҽазыҟаиҵон, Валери иакәзар, аҭаацәара даналала, иԥшәма ԥхәыс Иннеи иареи раамҭа рхыргарцаз уахь ицеит.
"Иара даара деилҟьан. Игәы былуан", - иҳәеит Борис.
Иара еиҭеиҳәеит, Валери иԥҳа хәыҷы даныршь ашьҭахь шаҟа дбылуаз, аибашьра адәаҿы нкылашьа шимамыз.
Инеиҵыху аицәажәара шәазыӡырҩыр шәылшоит аудиофаил аҿы.