Очамчыра араион ақыҭанхамҩа аҟәша аиҳабы Ҭенгиз Какәбаа арадио Sputnik аефир аҿы еиҭеиҳәеит, ацитрус аганахьала сынтәа рҭагылазаашьа зеиԥшроу, ашәыр ахәқәа шыҟоу.
Амандарина сынтәа аҽаҩра цәгьаӡам, агроԥҟарақәа мҩаԥызгаз зегьы раалыҵ бзиоуп ҳәа азгәеиҭеит Какәбаа. Убри аан иара иҳәеит араион аҿы ацитрус аҿыхра ишалагахьоу. Амандарина сса 60-50 мааҭ ҳәа ирҭиуеит, иаҳа иҟәазу - 70-80 мааҭ ҳәа. Заа иҟало амандарина змаз – 100-120 мааҭ ҳәа ирҭиуан.
Ақыҭақәа, Акәасқьа, Џьал, Баслахә, Река ацитрус иаҳа иахьамоу ҳәа иԥхьаӡоуп. Иааидкыланы Какәбаа иажәақәа рыла араион аҿы 5 нызықь тонна иреиҵамкәа аҽаҩра иазыԥшуп.
"Араион иатәу асовнхарақәа ыҟаӡам. Анхацәа рхатә џьабаала ирааӡоит амандарина. Иҟоуп ақыҭанхамҩа аҿиара апрограммала амандарина аиҭаҳатә иаҳәо, еиҳарак заа иҟало ауп изышьҭоу", - иҳәеит Какәбаа.
Инарҭбааны аиҿцәажәара шәаҳар шәылшоит аудиофаил аҟны.