Абгақәа аԥхасҭа шыҟарҵац иҟарҵоит, ирлас иҿиоит, арахь ирышьҭашәарыцо аӡәык-ҩыџьак роуп, иҳәеит аиҿцәажәараҿы Инаԥшьба. Иара иажәақәа рыла ҵыԥх аахыс ҩба-хԥа рыда аӡәгьы изымшьит, уажәы асы лаҟәны иауит аҟынтә цәгьарамзар бзиа руӡом, хәба-хәбала еицуп иазгәеиҭеит ашәарыцаҩ.
"Аамҭаказы абгақәа зшьуаз аԥара рзыршәон, аха нас иаҟәырхит. Усҟан ауаа иаҳа иахаҵгылон, ашәарыцаҩ патронк ааихәон, хәшәык. Иҟалақәахьеит амашәырқәа, абагақәа ауаа ианрыжәло. Еицәамхозар, еиӷьхаӡом ҳҭагылазаашьа", - иҳәеит Инаԥшьба.
Инеиҵыху аиҿцәажәара шәазыӡырҩыр шәылшоит аудиофаил аҿы.