Д.Гәлиа диижьҭеи 150 шықәса аҵра инамадны 2024 шықәса Гәлиа ишықәсны ирылаҳәан. Ари аамҭа иалагӡаны еиҿкааз аусмҩаԥгатәқәа рхыкәшарахь инеиуеит. Ԥхынҷкәын 17-18 рзы урҭ аусмҩаԥгатәқәа рҳәаа иҭагӡаны Аԥсуаҭҵааратә институт аҿы имҩаԥысраны иҟоуп Дырмит Гәлиа ибиуст аартреи жәларбжьаратәи аҭҵаарадырратә конференциеи. Аинститут аиҳабы Арда Ашәба арадио Sputnik аефир аҿы еиҭеиҳәеит арҭ аусмҩаԥгатәқәа шеиҿкаахо.