Арадио Sputnik Аԥсны аспорттә программа амҩаԥгаҩ Лаша Коӷониа далоуп ашықәсан иреиӷьу аспортсмен иалкааразы иаԥҵоу акомиссиа. Ишԥамҩаԥысуаз уи аилатәара, еиԥшызма зыбжьы азҭоз ргәаанагарақәа, насгьы иарбан ҩаӡарақәоу иҟоу иреиӷьӡоу аспортсмен иалхраҿы, абри атәы арадио Sputnik аефир аҿы еиҭеиҳәеит аспорттә журналист Лаша Коӷониа.
Ашықәсан зхы аазырԥшыз аспортменцәа рхыԥхьаӡара маҷӡам, убри аҟынтә имариамызт ралхра, ҳәа иҳәеит Коӷониа.
"Аимак ҳамаӡамызт, аха ирацәан агәаанагарақәа. Аспортмен ашықәсан зегьы дызлахәыз, аиааирақәа ахьигаз, ихы шааирԥшыз, ҳбираҟ даҵагылан дахьцәырҵуаз, уҳәа зегьы ахәшьара раҳҭон", - ҳәа иҳәеит Коӷониа.
Инарҭбааны аиҿцәажәара шәаҳар шәылшоит аудиофаил аҟны.