Аинститут есышықәсатәи аплан инақәыршәаны аусмҩаԥгатәқәа наныгӡоит. Иҳаҩсыз ашықәсан урҭ иреиуан аиубилеиқәа ирыдҳәалаз аконференциақәа: Хәыхәыт Бӷажәба, Гьаргь Ӡиӡариа, Арвелод Кәыбраа, иара убас Дырмит Гәлиа ирызкыз аҭҵаарадырратә сессиақәа.
2024 шықәса аԥсуа ҭҵаарадырразы илагала дуны иҟалеит фҩык ауаа русумҭақәа ахьырыхьчаз, ҳәа азгәеиҭеит Ашәба. Хҩык акандидаттә диссертациақәа, хҩык адоктортә диссертациақәа рыхьчеит.
"Аибашьра еилгазар, шықәсык иалагӡаны асҟаҩык ирыхьчоны иҟамлацызт, ари еизҳара дуны ҳахәаԥшуеит", - иҳәеит Ашәба.
Иара убасгьы дазааҭгылеит иҭыжьыз ашәҟәқәа ртәы, иҳәеит аиҵахара дуқәа шрымаз.
2025 шықәса рзы ргәы иҭоуп аинститут 100-шықәса ахыҵра азгәаҭара.
Инеиҵыху аицәажәара шәазыӡырҩыр шәылшоит аудиофаил аҿы.