Изеиԥшраз Аԥсуа-базатә конгресс азы 2024-тәи ашықәс, иарбан проектқәоу еиҳарак ирықәҿиаз, урҭ ззырхааз, насгьы планқәас иазгәаҭан ирымои, абри атәы арадио Sputnik аефир аҿы еиҭарҳәеит, Адунеизегьтәи аԥсуа-абаза конгресс аҟәатәи аофис аиҳабы Ҭемыр Рекәаа, иара убас аҿар аус рыцурази абаҩрҵәырази аконгресс аҟәша аиҳабы Валера Берзениа.
Арадиостудиа асасцәа иҳаҩсыз ашықәс иалагӡаны имҩаԥгаз апроектқәа рахьынтә иалыркааит аԥсуа милаҭтә хәмарра - аимҵакьачаразы рзы имҩаԥгаз атурнир ду. Иргәаладыршәеит уи иаԥхьанеиуаз аусқәа ртәы, аиҿкаара шрылдыршаз.
Инарҭбааны аиҿцәажәара шәаҳар шәылшоит аудиофаил аҟны.