АҞӘА, ажьырныҳәа 16 - Sputnik. Роспотребнадзор Керчтәи аӡыбжьахалаҿы атанкер анӡааҟәрыла ашьҭахь Амшын еиқәаҿы иркыз аԥсыӡи амшын аалыҵқәеи рхаҭабзиараҿы аиҭакрақәа ҳәа акгьы амбеит ҳәа азгәалҭеит аусбарҭа аиҳабы Анна Попова.
200 рҟынӡа аҿырԥшқәа ргәаҭара мҩаԥган, иара убасгьы аӡыржәтә ҭҵаарақәа 937 мҩаԥган, 3254 ҳауатә ҭҵаарақәа рҟынтә 617 ҭҵаара мҩаԥган иҟьашьыз анышә арыцқьаразы анаплакқәа рҿы.
Роспотребнадзор ахылаԥшреи иаакәыршаны иҟоу аԥсабара ахаҭабзиаратә рбагақәа ргәаҭареи рырӷәӷәаразы Амшын еиқәа аԥшаҳәаҿы алабораториатә лшарақәа рырҭбаара азԥхьагәаҭаны иамоуп.
Ԥхынҷкәынмза 15 рзы Керчтәи аӡыбжьахалаҿы 9,2 нызқь тонна рҟынӡа амазут зҭаз атанкер-ӷбақәа ҩба ӡааҟәрылеит. Амшынуаа 27-ҩык ари аҭыԥ аҟынтәи иахыргеит, урҭ рахьтә аӡәы дҭахеит. Урыстәыла Атранспорт аминистрра излаанацҳауа ала, 2,4 нызқь тонна рҟынӡа анефттә аалыҵқәа амшын иалаҭәеит.