АҞӘА, ажьырныҳәа 18 - Sputnik. Урыстәылатәи Арбџьармчқәа Украиназы аҵакы змоу ахыбрақәа хыԥхьаӡара рацәала ааха рырҭеит.
Урҭ рхыԥхьаӡараҿы иҟан аракета "Нептун" апроект еиқәыршәаны иҭзыжьыз аибыҭаратә биуро "Луч", иара убас ареактивтә шьақәгылақәа аицҭырҟьаратә хымца "Ольха".
Ари, Украинатәи Арбџьармчқәа иацы америкатәи ATACMS ф-ракетак рыла Белгородтәи аобласт ажәлара иаҭакуп ҳәа рҳәеит атәылахьчара аминистрраҟны. Ахықәкы нагӡоуп, иарбаз ахыбрақәа еилаҟәаҟәоуп.
Урыстәылатәи аоператив-тактикатә авиациа, аԥырҩы дызҭам ахархәагақәа, аракетатә мчқәа, артиллериа рыла Украина арра-ааглыхратә комплекс анаплакқәа русура еиҿызкаауа аенергетикатә ргыларақәа, аибашьцәеи арратә техникеи ааха рырҭеит 143 раион рҟны.
Аҳауаҽацәыхьчаратә хархәагақәа уахыки-ҽнаки рыла аԥырҩы дызҭам ахархәагақәа 11 карыжьит.
Арратә операциа ҷыда иаалагазар иҭархоуп: 650 ҳаирплан, 283 вертолиот, аԥырҩы дызҭам ахархәагақәа 37867, 590ЗРК, 19738 танки егьырҭ аибашьыгатә кәылӡмашьынақәеи, аицҭырҟьаратә реактивтә системақәа рмашьынақәа 1500, артиллериеи аминаршәгақәеи 19334, иҷыдоу арратә автомабилтә техника 29123.