АҞӘА, ажьырныҳәа 29 - Sputnik. Змотор ласу аҳаирплан Ан-2 Ԥсҳәы ақыҭан иқәкшаны итәеит.
"Аҳаирплан асанитартә реис мҩаԥнагон. Ԥсҳәы ақыҭантәи Аҟәатәи хәышәтәырҭак ахь чымазаҩк днаргараны иҟан. Аҳаирплан ҩыџьа аԥрыҩцәеи пассаџьырки ҭатәан. Аӡәгьы амедицинатә цхыраара иҭахымхаӡеит", — ҳәа "Аԥсныпресс" адырра аиҭеит Аҟәеи Аҟәа араиони рыхьчаразы Амцарцәара-еиқәырхаратә ҟәша аиҳабы Ҭемыр Кәыҵниа.
Аҭыԥ аҿы аус руеит Ԥсҳәы ақыҭан иҟоу АҶА аиқәырхаратә ҭыԥ аусзуҩцәа.