Арадио

Аполитолог: аполитикатә кризис иааҟәымҵӡакәа аҭыԥ анамоу, аҳәынҭқарра зышьақәгылаӡом

Sputnik
Аҳәынҭқарра аҩнуҵҟа аҭышәынтәалара ахьынӡахымԥадатәиу, уи аныҟам мҩас, ԥеиԥшс иаиур алшо арадио Sputnik аефир аҟны далацәажәеит аполитикатә ҭҵаарадыррақәа ркандидат, ААУ аполитологиеи асоциологиеи ркафедра арҵаҩы Беслан Ҳагба.
Аполитикатә кризис, аичырчарақәа иааҟәымҵӡакәа аҭыԥ анрымоу, иаанаго аҳәынҭқарра зышьақәгылаӡом ҳәа ауп иҳәеит аполитолог.
"Аполитикатә қәԥара азакәан инақәыршәаны иаҳзымҩаԥгаӡом. Убас ианыҟало, аҳәаанырцәынтә иҳахәаԥшқәо, еиҳараӡакгьы Урыстәылатәи Афедерациаҟынтә, иазгәарҭоит макьана амилаҭтә хдырра шмаҷу, аполитикатә культура шылаҟәу. Убри иахҟьаны аҳәынҭқарра ашьақәгылара уашәшәырахоит ҳәа ҳарҳәалоит есқьынагьы. Уи иаанаго - ҳагәра рымго иалагоит. Аполитикатә процессқәа ирхырҟьаны аинымааларахь ҳкылсуеит, аманшәалара ҳацәмаҷхоит", - иҳәеит Хагба.
Иара иазгәеиҭеит Аԥсны аҳәынҭқарратәи аполитикатәи хьӡы иахьазы ишылаҟәу.
Аицәажәара инеиҵыхны ишәаҳар шәылшоит аудиофаил аҟны хыхь.