АҞӘА, ажьырныҳәа 30 – Sputnik. Вашингтон икаҳаз аҳаирплан American Airlines иақәтәан 1994 шықәсазы адунеи иачемпионцәахаз аҵаақәшьқьрааҩцәа Евгениа Шишковеи Вадим Наумови ҳәа аанацҳауеит РИА Новости.
"Аспортсменцәеи, азыҟаҵаҩцәеи урҭ рҭаацәеи, аштат Канзас Уичито ақалақьаҿы имҩаԥысуаз Америка ашьапылампыл азы Ачемпионат инамаданы, Амилаҭтә ҿиара алагер аҟынтәи аҩныҟа ихынҳәуан", - ҳәа азгәаҭоуп Америкатәи аҵаақәшьқьрааратә ассоциациа иҟанаҵаз аҳәамҭаҿы.
Аҳаирплан аӡиас Потомак иҭаҳаит, Реиган ихьӡ зху аҳаирбаӷәаза азааигәара. Арратә верталиот заахаз апассаџьыртә ҳаирплан 64-ҩык ауаа ҭан, 18-ҩык рыԥсыбаҩқәа аӡы иҭыргеит. Аҳаирплан иҭаз 64-ҩык рҟынтәи ԥшьҩык еиқәхеит, урҭ ахәшәтәырҭа иҭоуп.
Аҭыԥ аҿы аԥшааратә маҵзурақәа аус руеит.