АҞӘА, жәабран 10 — Sputnik. Урыстәыла ацхыраарала Приднестровиа Венгриантәи агаз аиулоит.
"Венгриантәи агаз аашьҭра урыстәылатәи акредиттәи ахықәкытәи ацхыраара иабзоурахеит. Урыстәыла Аенергетика аминистрра ахаҭарнакцәа ацхырааразы иҭабуп ҳәа расҳәоит. Приднестровиа ауааԥсыра ргәы сырҭынчыр сҭахуп. Ареспублика газла еиқәыршәахоит. Аенергосистема ҭышәынтәалахоит," — ҳәа иҩуеит ареспублика ахада Вадим Красносельски ихатәы Telegram-канал аҿы.
Жәабран 13 рзы иазгәаҭоуп раԥхьатәи агаз анашьҭра . Аҭагылазаашьа ҷыдақәа рзы молдаватәи акомиссиа Молдавиа аҳәаа аҟынтәи Приднестровианӡа агаз амҩаԥгара азин ҟанаҵеит.
Жәабран 1 инаркны 10 рҟынӡа, европатәи агуманитартә цхыраара аҳәаақәа ирҭагӡаны Приднестровиа ауааԥсыра агаз роуан. Акомиссиа иҟанаҵаз аӡбарала, жәабран 11-12 рзы, "Молдавагаз" 12 миллион куб агаз "Траспольтрансгаз" иааннархәар илшоит, насгьы аҽа 3 миллионк уалла ианаҭар алшоит.