Анапҟаза, ачерқьес маҭәа аҭҵааҩы Фатима Коблева Аԥсуа ҳәынҭқарратә музеи ҳамҭас иалҭеит аԥсуа ҭыԥҳа лхылԥа ҿыцны еиҭашьақәыргылоу. Аҟаза уи аус адылулон шықәсыки бжаки иназынаԥшуа. Уи ахылԥа аоригинал Урыстәыла аетнографиатә музеи аколлекциақәа рҿы иҵәахуп. Ахҭыс музеи азы ҵакыс иамоу, аусура апроцесс рылаԥш ахызма аҵарауаа, арадио Sputnik аефир аҟны еиҭалҳәеит Аԥсуа ҳәынҭқарратә музеи аҭҵаарадырратә усзуҩ еиҳабы Инга Шамԥҳа.
"Ари хҭыс бзиоуп афондқәагьы иара аекспозициа аҿгьы амаҭәа ҿыц ахьадаҳҵо…Даара гәахәарыла иҳадаҳкылеит, сара сгәыӷӡомызт амала ҳәа иҳауеит ҳәа, избанзар аџьабаа ду адуп", - лҳәеит Шамԥҳа.
Аицәажәара инеиҵыхны ишәаҳар шәылшоит аудиофаил аҟны хыхь.