АҞӘА, жәабран 13 - Sputnik. Еицырдыруа аполитикатәи анхамҩатәи усзуҩ Мақьҭы Амҷба игәалашәара иазку аӷәы кыдырҵоит Аҟәа Аинрал Агрба имҩа, 37 аҭӡаҿы.
Арби азы аӡбамҭа рыдыркылеит Аҟәа ақалақьтә еизара адепутатцәа.
Мақьҭы Амҷба — амилаҭ-хақәиҭратә ҵысра "Кьарази" аҿар реидгыла "Спартаки" реиҿкааҩцәа дыруаӡәкын. Иара аџьабаа ду ибеит Аԥсны жәлар ринтересқәеи рхақәиҭреи рыхьчаразы, убри харас идҵаны арепрессиа даладырӡит, иара иеихсны дыршьит.