АҞӘА, жәабран 14 - Sputnik. Урыстәыла Абанк ҩаԥхьагьы ихадоу ашықәстәи азыԥҵәа 21% аҟны ишыҟаз еиқәнархеит ҳәа азгәаҭоуп аиҿкааҩ иҳәамҭаҿы.
Уи зыхҟьаз аинфлиациатә қәыӷәӷәара дуи, атәыла аҩнуҵҟатәи аҭахра атауарқәеи амаҵзурақәеи рыла аиқәыршәара аасҭа иахьеиҳахои ауп.
"Ҳара ҳазԥхьагәаҭарақәа рыла, иахьа имҩаԥырго аԥара-кредиттә политика инақәыршәаны, 2025 шықәсазы ашықәстәи аинфлиациа 7-8% рыла еиҵахоит, 2026 шықәсазы 4% рахь еиҭахынҳәуеит, ԥхьаҟагьы ахықәкы анагӡараҿы иаанхоит", — ҳәа азгәаҭоуп аиҿкааҩ иҳәамҭаҿы.
Урыстәыла Абанк ахадаратә зыԥҵәа ҩ-процентк рыла ишьҭнахит, 2024 шықәса жьҭаарамзазтәи 21% рҟынӡа. Ари иреиҳаӡоу ҭоурыхтә ҩаӡараны иҟалеит.
Ихадоу азыԥҵәа ашьҭыхра шьақәыргылахоит иааиуа аилатәараҟны, аинфлиациа иҭышәантәалан аларҟәреи аццакреи ҳасаб рзуны. Анаҩстәи Адиректорцәа рхеилак аилатәара азгәаҭоуп хәажәкыра 21 рзы.