АҞӘА, жәабран 17 - Sputnik. Апартиа "Амцахара" абыржәыҵәҟьа Валери Бганба имаҵура ааныжьырц адҵа ҟарҵеит абҵарамзатәи аиқәшаҳаҭрақәа ахьеилеигаз азы.
"Агәынамӡара ҳазцәырнагеит иахьа ахада ин.н. В. Бганба Аԥсны Аҳәынҭқарра Ашәарҭадаратә маҵзура ахантәаҩы Дмитри Қәычбериа имаҵура иамхразы инапы зҵеиҩыз аусԥҟа. Рыцҳарас иҟалаз, иуадаҩу ауаажәларра-политикатә ҭагылазаашьа ҭышәынзыртәало факторны иҟалараны иҟаз, иара ганкы мацара иҽадицәалеит. Ҳгәы иаанагоит, В. Бганба инапы ианылаз ауалԥшьақәа изынамыгӡеит ҳәа, еиҳангьы иаҳҳәоит — иара гәҭакрыла атәыла аҩнуҵҟа аибарххарақәа реизҳарахь акылгара даҿуп", — ҳәа ануп апартиа аҳәамҭаҿы.