Акрызҵазкуаз ахҭысқәа ирыдҳәалоу арыцхәқәа разгәаҭара, аԥсадгьыл ахьчаҩцәа рыхьӡ акамыршәра, аҳәынҭқарра ашьақәгылараҟны аҭоурыхтә гәалашәара ҭыԥс ианнакыло, уи аҵакы Аџьынџьтәылатә еибашьра Ду ахамшҭра аҿырԥшала, абарҭқәа ртәы арадио Sputnik аефир аҟны дазааҭгылеит Аџьынџьтәылатә еибашьра Ду аветеранцәа рхеилак ахантәаҩы Закан Нанба.
Иара иазгәеиҭеит, аҳәынҭқарра аргылараҟны Аԥсни Урыстәылеи реимадарақәа рырҿиараҟны Аџьынџьтәылатә еибашьра Ду иадҳәалоу еицҳзеиԥшу аҭоурых ахамшҭра, аҿар уи рымадара, деилыркаара акыр шаҵанакуа.
Аицәажәара инеиҵыхны шәахәаԥшыр шәылшоит Sputnik Аԥсны асаит аҟны.