Аҵаақәа ҟалоит ҳәа адырра анҳау, аҵиаақәа еиҭа иҳаҳәҩаз ҟалеит, зынӡа ахьҭа ззымычҳауа, азҭачқәа рҿы иҟаз аҵиаақәаки уахь иналаҵаны ҳәа иҳәеит Гәбаз.
"Шамахамзар, ԥырхага ҳанамҭеит асы. Аҵиаақәа ҳаршәшәон иацы, иахьа. Акалам иԥҵәаз ҟалеит, аха уигьы нырра дук анаҭом. Еиҳарак ҳҽазыҟаҵан ҳаҟан. Аӡынра шӡынроу ицар, аԥсабарагьы иазеиӷьуп. Абаҳча азааигәара ииасуа аӡиас хәыҷы убысҟак ахьшәашәара аанагоит, иааџьаушьаратәы, ақалақь аҿы ашәҭқәа ааха змоуз, ара ихаҳамҩар, ироуан. Илеиуаз асы аӡы шалазгьы, ихыжәжәаз амахәҭақәа рацәам", - ҳәа иҳәеит Гәбаз.
Аҵарауаҩ иажәақәа рыла, хәажәкыра, мамзаргьы мшаԥымза асы леизҭгьы, аҵиаақәа иаҳа ирзеицәахон, уажәы иахьыцәоу азы, ахьшәшәарақәа усҟак ирныруам.
Инарҭбааны аиҿцәажәара шәаҳар шәылшоит аудиофаил аҟны.