Арадио

Хра злоу ахҭысқәа: Кокосқьыри Шьанааԥҳаи атуризм аӡын аамҭазы иазкны

Sputnik
Иабанӡарымоу аинтерес атуристцәа аӡын аамҭаз ҳтәыла аҭааразы, ҳабанӡазыхиоу аӡынтәи атуризм, аԥсшьаҩцәа ирыдаҳгало иҳамоуи, аҿаҵарақәа рус зеиԥшроуи, абри атәы арадио Sputnik аефир аҿы иалацәажәеит, Амилаҭтә туристә компаниа аиҳабы Руслан Кокосқьыри, аҟәатәи асасааирҭақәа руак аҿаҵарақәа рзы аменеџьер Алиса Шьанааԥҳа.
Аӡынтәи атуризм Аԥсны ишәҭуа аҵиаақәа иадуҳәалар ҟалоит, мрагыларахьтәи ахьҭахьы иҟоуп аӡыԥхақәа, иаҭаху аусуроуп ҳәа азгәеиҭеит аиҿцәажәараҿы Кокосқьыр.
Амилаҭтә туристә компаниа аиҳабы иҳәеит, аӡыргара аганахьала аус иаҳа игәцаракны ишутәу, уи адагьы иаԥҵатәуп аҭагылазаашьа аԥсшьаҩы дхынҳәыртә еиԥш, асасдкылара ари азҵаараҿы акырӡа аҵанакуеит, иҳәеит Кокосқьыр.
Аҟәатәи асасааирҭақәа руак аҿаҵарақәа рзы аменеџьер лажәақәа рыла, ашықәс зегьы ишаартугьы, жәаҳәарада, аԥхын аамҭази аӡыни русура едкылашьа амаӡам. Сынтәа егьырҭ ашықәсқәа ирҿырԥшны аӡын даара ихьысҳан, лҳәеит Шьанааԥҳа.
Инарҭбааны аиҿцәажәара шәаҳар шәылшоит аудиофаил аҟны.