Аԥсуа режиссиор Наур Гармелиа ифильм "Аҵыхәтәантәи ахәԥса" даҽа трофеик аманы аҩныҟа игьежьит. Дзержинск имҩаԥысуаз III Иаарту Урыстәылатәи акинофестиваль "Черноречье Фест" аноминациа "Иреиӷьу зметр ду афильм" аҟны "Аҵыхәтәантәи ахәԥса" гран-при иаԥсахеит. Арежиссиор Наур Гармелиа арадио Sputnik аефир аҿы еиҭеиҳәеит, уажәтәы акинофестиваль аҿы ииааира егьырҭ излареиԥшым атәы, "Аҵыхәтәантәи ахәԥса" еиҭа иахьӡыргахо, насгьы афильм ҿыц азы игәҭакқәа зеиԥшроу.
Иреиӷьу афильм адагьы, "Аҵыхәтәантәи ахәԥса" "Черноречье Фест" аҿы иреиӷьу ахаҵа ироль ҳәа аҳамҭа иаԥсахеит. Иааидкыланы 25 ҳамҭа рҟынӡа аиухьеит аԥсуа кино. Наур ахҭыс ахҳәаа атауа иҳәеит, афестивальқәа рҿы акырӡа зҵазкуаны иҟоу аӡбаҩцәа ражәа шаку. "Черноречье Фест" аҿы аӡбаҩцәа рхеилак ахантәаҩыс дыҟан Мариа Шукшина.
Инарҭбааны аиҿцәажәара шәаҳар шәылшоит аудиофаил аҟны.