АҞӘА, хәажәкыра 1 - Sputnik. Аԥсны АКХ аҿы асааҭ 12:00 рзы араионқәа рҿы абжьыҭарахь шаҟаҩ ааихьоу атәы рҳәеит.
Зегь раԥхьа игылоуп — Гәылрыԥшь араион, уа рыбжьы арҭахьеит 27,5% алхыҩцәа, зегь реиҳа имаҷны Гагра араион аҿы — 17%.
Гагра араион — 17%,
Гәдоуҭа араион — 22%,
Аҟәа араион — 20%,
Аҟәа — 20%,
Очамчыра араион — 20%,
Гал араион — 18%. Абри аамҭа инақәыршәаны ареспубликаҿы зеиԥшла рыбжьы арҭахьеит 21% алхыҩцәа. Алхрақәа шьақәгылеит ҳәа иԥхьаӡахоит алхыҩцәа рзеиԥш хыԥхьаӡараҟынтәи 25% алхрақәа рҿы рыбжьы рҭиир.
Иахьа Аԥсны имҩаԥысуеит ахада иалхрақәа аҩбатәи ртур. Алхратә ҭыԥқәа аартуп ареспублика зегь аҿы, даҽа ҩба — Москвеи Черқьесски. Абжьыҭара хыркәшахоит асааҭ 20:00 рзы.