АҞӘА, хәажәкыра 1 - Sputnik. Урыстәылатәи анаԥшыҩцәа Аԥсны ахада иалхрақәа аҩбатәи ртур аан еилагара ӷәӷәак аадмырԥшит ҳәа адырра ҟаиҵеит Урыстәылатәи Афедерациа Алхратә комиссиа ахантәаҩы лхаҭыԥуаҩ Николаи Булаев.
Аԥсны ахада иалхрақәа аҩбатәи ртур аан аккредитациа рыҭан 35 инареиҳаны атәылақәа рҟынтәи анаԥшыҩцәа ҳәа иҳәеит Алхратә комиссиа хада ахантәаҩы Дмитри Маршьан.
"Иааидкыланы 120-ҩык рҟынӡа анаԥшыҩцәа уажәазы Аԥсны Аҳәынҭқарра аҵакыраҿы иҟоуп".
Маршьан иазгәеиҭеит жәларбжьаратәи анаԥшыҩцәа хаз-хазы алхырҭатә ҭыԥқәа ишрыдҵам, ԥкрада ирҭаху алхратә ҭыԥқәа рахь инеир шрылшо.