Аԥсны

АКХ: Бадра Гәынба Аԥсны ахадас далхуп

Sputnik
АҞӘА, хәажәкыра 2 - Sputnik. Аԥсны Алхратә комиссиа хадаҿы ахада иалхрақәа аҩбатәи ртур алҵшәақәа еихшьаалоуп. Урҭ инарықәыршәаны Бадра Гәынба аиааира игеит ахадарахьы алхрақәа аҩбатәи ртур аан, убас ала Аԥсны ахадас далхуп.
Иара 54,73% абжьқәа иоуит.
Аҩбатәи акандидат Адгәыр Арӡынба 41,54% абжьқәа иоуит.
Ауаа рааира 70% артәеит. Рыбжьы арҭеит 100412-ҩык Аԥсны атәылауаа. Урҭ рахьтә 2065-ҩык зегьы ирҿагыланы рыбжьы арҭеит.
Атәылауаа реиҳараҩӡак рыбжьы арҭеит, алхрақәа рылҵшәақәа ҳадаҳкылароуп иҳәеит АКХ ахантәаҩы Дмитри Маршьан.
Асабша, хәажәкыра 1 азы Аԥсны ахада иалхрақәа аҩбатәи ртур мҩаԥысит. Ахада имаҵурахьы иқәгылан ҩ-кандидатк — жәабран 15 рзы имҩаԥысыз актәи атур аан зегь реиҳа абжьқәа зауз Бадра Гәынбеи Адгәыр Арӡынбеи.
Аԥсны
Аԥсны ахада иалхрақәа рзы аҩбатәи атур аан абжьыҭара хыркәшоуп