Аԥсны

Аԥсны АКХ ишьақәнарӷәӷәеит атәыла ахада иалхрақәа аҵыхәтәантәи алҵшәақәа

Sputnik
АҞӘА, хәажәкыра 3 - Sputnik. Аԥсны Алхратә комиссиа хада аилатәара мҩаԥнагеит, уаҟа ишьақәнарӷәӷәеит атәыла ахада иалхрақәа аҵыхәтәантәи алҵшәақәа. Аихшьаалақәа рыла атәыла ахадас дахуп Бадра Гәынба.
"Аԥсны Алхратә комиссиа хада, хәажәкыра хԥа рзы имҩаԥгаз аилатәараҿы ишьақәнарӷәӷәеит атәыла ахада иалхрақәа аҵыхәтәантәи алҵшәақәа", - ҳәа аанацҳауеит АКХ.
Хәажәкыра аказы Аԥсны имҩаԥысит атәыла ахада иалхрақәа аҩбатәи атур. Атәыла ахадарахьы иқәгылан, жәабран 15 рзы имҩаԥысыз алхрақәа актәи атур аан еиҳаны абыжьқәа зауз акандидатцәа Бадра Гәынбеи Адгәыр Арӡынбеи.
Заанаҵтәи аихшьаалақәа рыла, Бадра Гәынба 54,73% абыжьқәа риурала атәыла ахадас далхуп. Абжьыҭара инеит 70% алхыҩцәа.