АҞӘА, хәажәкыра 3 - Sputnik. Аҳәынҭқарра ахадас иалху Бадра Гәынба алхрақәа рымш аҽны Цандрыԥшьтәи алхырҭатә ҭыԥ ақәлара ахҳәаа аиҭеит.
"Ҳара ҳполитикатә оппонентцәа рганахьала аҭыԥ змоу аполитикатә гәынамӡарақәа зегьы ҳхаҳаршҭыроуп. Ҳара ҳаивагыланы ҳаицынхаларц ҳахәҭоуп", – иҳәеит иара.
Бадра Гәынба иара убасгьы иазгәеиҭеит, азинхьчаратә усбарҭақәа иҟалаз аилкааразы адҵа шриҭаз.
"Ацәгьоура ҟазҵаз, иарбан мчқәоу ахархәара зауз рзы агәаҭарақәа цоит. Азакәан еилазгаз дарбанзаалакгьы дрыцҳаҳшьаӡом", – ҳәа иҳәеит Гәынба.