Хәажәкыра 4 Аԥсны Аҳәынҭқарра Раԥхьатәи Ахада Владислав Арӡынбеи Аҩбатәи Ахада Сергеи Багаԥшьи ргәалашәара иамшуп. Машәыршақә еиқәымшәаз арыцхәқәеи, символра рзызуа ахаҿқәа рроль ҳҳәынҭқарра ашьақәгылараҿы арадио Sputnik аефир аҿы далацәажәеит, Аԥсны ажурналистцәа реидгыла ахантәаҩы Руслан Ҳашыг.
Агәалашәара ҳаҭыр ақәҵара ажәлар рԥеиԥш аҿы ацхыраара ҟанаҵарцаз, иаҭахуп Владислав Арӡынбеи Сергеи Багаԥшьи рҭынха, рхәыцрақәа инарҵауланы рыҭҵаара, ҳәа азгәеиҭеит аиҿцәажәараҿы Ҳашыг.
Иара иажәақәа рыла, ажәа дуқәа рҳәара мацара иаанарԥшӡом рхаҭара, урҭ рыҵаулара рахь узнеиӡом, урҭ рхымҩаԥгашьа, урҭ ражәақәа, рыхшыҩҵакқәа аҵара асистемаҿы, ауниверситет аҿы иалагалатәуп.
Инеиҵыху аиҿцәажәара шәазыӡырҩыр шәылшоит аудиофаил аҿы.