Очамчыратәи ашкол-интернат ахь инаргоит араион ашколқәа рҟынтә ахәыҷқәа зегьы. Ақалақь аҿы иҟоу х-школк рҟынтә аҳәыҷқәа гәарҭахьеит. Уажәы Ҷлоунтә адиспансеризациа иахысуеит. 950-ҩык инареиҳаны гәаҭоуп. 10-ҩык рҟынӡа Урыстәылаҟа рдәықәҵаразы ашәҟәқәа реидкылара иаҿуп.
"Ашколхәыҷқәа рыдагьы аҳақьымцәа игәарҭоит ахәыҷбаҳчақәа рҿы иҟоу, иара убас хышықәса иреиҵоугьы. Ус еиԥш алаҳәара ҟаҵан аполиклиникаҿы. Асааҭ 12-нӡа ахәыҷқәа ршьа ргоит, анаҩс асааҭ хԥанӡа аҳақьымцәа ахәыҷқәа рыдыркылоит. Ирацәоуп ҳәа азыԥхьаӡоуп асколиоз, аблачымазара, агәычымазара", - ҳәа лҳәеит Ҭаниаԥҳа.
Мадина Ҭаниԥҳа лажәақәа рыла, аҳақьымцәа ахәыҷы ак идырбалар дара-дара еицәажәаны, егьаҩы ауаа рацәазаргьы, еизҵааны, иаҳа ишеиӷьу ҳәа дымҩақәырҵоит.
Инарҭбааны аиҿцәажәара шәаҳар шәылшоит аудиофаил аҟны.