Хәажәкыра 8 асааҭ 17 рзы Аҳәса жәларбжьаратәи рымшныҳәа аҽны Афон ҿыц аҳаԥы аҟны "Адгьыл аҵа ааԥынтәи асимфониа" захьӡу аклассикатә музыка аконцерт еиҿкаахоит. Уи мҩаԥысуеит аҳаԥы аиубилеитә шықәса азгәаҭара аҳәаақәа ирҭагӡаны. Аконцерт аҿы иқәгылоит Аԥснытәи аҳәынҭқарратә филармониа асолистцәеи атрио "Променад" артистцәеи.
Аҳаԥаҟны ақәгылара абжьааԥнытәи аконцертқәа излареиԥшым, апрограмма шышьақәгылоу, иарбан гәалаҟароу ари ақәгылара аҭааҩцәа ирнаҭыр алшо, амузыка ауаҩы иԥсҭазаара ишаныруа, абарҭқәа арадио Sputnik аефир аҟны дрылацәажәеит аконцерт иалахәу Аԥснытәи аҳәынҭқарратә филармониа артист, аоператә шәаҳәаҩы Алхас Ферзба.
Аицәажәара шәаҳар шәылшоит аудиофаил аҟны хыхь.