АҞӘА, хәажәкыра 7 - Sputnik. Аԥсны ахада ин.н. Бадра Гәынба Владикавказ иацы ахәышәтәырҭахь инанагаз Аахыҵ Уаԥстәыла ахада Алан Гаглоев ҭелла диацәажәеит. Абри атәы аанацҳаит Аԥсны ахада ипресс-маҵзура.
Гәынба Гаглоев ирласны игәабзиара шьақәгыларц изеиӷьаишьеит, уи аҭакс Гаглоев аԥснытәи аколлега иҟаиҵаз агәцаракразы ҭабуп ҳәа иеиҳәеит.
Хәажәкырамза 6 рзы Алан Гаглоев Владикавказтәи Ареспубликатә клиникатә хәышәтәырҭа акардиологиа аҟәшаҿы ашьақәыӷәӷәаратә кризис иманы дышьҭарҵеит.
Нхыҵ Уаԥстәыла ахада Сергеи Мениаило иажәақәа рыла, уажәазы Гаглоев иҭагылазаашьа ҭышәынтәалоуп, иааиԥмырҟьаӡакәа амедицинатә хылаԥшра имоуп.