АҞӘА, хәажәкыра 9 - Sputnik. Анапхгаҩцәа реицлабра "Аԥсны акоманда" алахәхаразы аҽҭаҩра хәажәкыра 10 рзы ихыркәшахоит.
Аиааира згаз 20-ҩык Аԥсны ахада икадртә резерв ахь иалагалахоит, насгьы аиҳабыратә усбарҭақәа рҿы иҭацәу амаҵураҭыԥқәа рхарҭәааразы ирабжьаргоит.
Иааидкыланы 2 нызқьҩык инареиҳаны азыҳәақәа ҟарҵахьеит.
Апроект Урыстәылатәи Афедерациа ахада Владимир Путин иаԥшьгарала ихацыркыз урыстәылатәи апрограммақәа рмодель ала иаԥҵоуп. Хықәкы хадас иҟоуп Аԥсны аҿари аԥышәа змоу анапхгаҩцәеи рзы хра злоу еиҟароу асоциалтә алшарақәеи раԥҵара. Апроект алҵшәа хадақәа иреиуоуп акадртә резерв ашьақәыргылара.