“Аԥҳәыс лроль иахьатәи адунеи аҿы” захьӡу аконференциа мҩаԥысуеит арҭ амшқәа рзы Аҟәа иҟоу Москва аҩны аҟны. Аконференциа аартра мҩаԥган аҳәынҭқарра еиуеиԥшым ахырхарҭақәа рҟны алҵшәа бзиақәа аазырԥшуа, аԥышәа змоу, иаԥхьагылаҩцәаны иҟоу еиуеиԥшым абиԥарақәа ирыҵаркуа аҳәса реиԥылара ала. Агәаанагарақәа реимдра, аԥсуа ҳәса рҿаԥхьа ицәырҵуа азҵаатәқәа рылацәажәара, реимадарақәа рырӷәӷәара уҳәа иззааҭгылаз рацәан ари аусмҩаԥгатә аҟны. Аконференциа аҟынтәи ихадоу ахшыҩзышьҭрақәеи, аԥҳәыс лроль аҳаракыреи уҳәа ирылацәажәеит арадио Sputnik аефир аҟны Ацәыргақәҵатә зал ахада аиҳабы Ельвира Арсалиаԥҳаи Ахәыҷы изинқәа рыхьчара знапы иану, Акультура-гәыразратә фонд “Ашана” аиҳабы Мактина Џьынџьалԥҳаи.
"Иахьатәи аамҭа уалацәажәозар, аӡара уадаҩуп, ауадаҩрақәа ыҟоуп, аха аҭоурых уахәаԥшуазар, сгәы иаанагоит аперспектива бзиа ҳамоуп", - лҳәеит Арсалиаԥҳа аԥсуаа ҳкультураҟны иахьа аҳәса рроль дазааҭгыло.
Аицәажәара инеиҵыхны ишәаҳар шәылшоит аудиофаил аҟны хыхь.