АҞӘА, хәажәкыра 11 - Sputnik. Урыстәылатәи ар Курсктәи аобласт аҿы жәаҩа еиланхарҭеи шә-километрԥшьыркца аҵакыреи рхы иақәиҭыртәит.
Арахь иаҵанакуеит аиланхарҭақәа: Агроном, Богдановка, Бондаревка, Дмитриуков, Зазулевка, Ивашковск, Колмаков, Кубаткин, Мартыновка, Михаиловка, Правда, Иужное ҳәа аанацҳауеит УА Атәылахьчара аимнистрра.
Уи адагьы, уахыкала иҭадырхеит JDAM ҳәа изышьҭоу авиациатә бомбақәа хәба, HIMARS аицҭырҟьаратә системақәа быжьба, аԥырҩы дызҭам ахархәагақәа 50.
Урыстәыла аоперативтә-тактикатә авиациеи, аԥырҩы дызҭам аҳаирпланқәеи, артиллериеи аракетатә мчқәеи ааха ӷәӷәа рырҭеит 152 раион рҿы украинатәи ари аҳәаанырцәтәи аибашьцәеи, аӷа итехникеи.
Арратә операциа ҷыда иалагазар иҭархоуп: 657 ҳаирплан, 283 вертолиот, аԥырҩы дызҭам ахархәагақәа 45 927, 600 ЗРК, 22 097 танки егьырҭ аибашьыгатә кәылӡмашьынақәеи, РСЗО амашьынақәа 1526, артиллериеи аминаршәгақәеи 22 403, иҷыдоу аибашьыгатә автомабилтә техника 32 658 ак.