АҞӘА, хәажәкыра 16 - Sputnik. 1993 шықәса рзы Марттәи ажәылараан иҭахаз ргәалашәара аҿаԥхьа ихырхәеит Гәдоуҭа.
Араион анапхгара, иҭахаз афырхацәа рҭынхацәа, ауаажәларра ашәҭқәа шьҭарҵеит Аԥсны жәлар Рџьынџьтәылатә еибашьраан иҭахаз рбаҟа аҿаԥхьа.
Марттәи ажәылара — 1992-1993 шықәсқәа рызтәи Аԥсны жәлар Рџьынџьтәылатә еибашьра аҭоурых аҟны зегь реиҳа ишьаарҵәырахаз даҟьахеит. 1993 шықәса хәажәкырамзазы Аҟәа агаразы ажәылараан иҭахеит 222-а аԥсуа аруаа, 23-ҩык хабарда ибжьаӡит.