Аҽеиқәыршәарақәа ҳарҿуп, анхацәа ҳадҵаало иалагеит, ҳәа азгәеиҭеит аиҿцәажәараҿы Каҷабаа.
"Макьана ацәаӷәара ҳаламгацт. Атракторқәа аминистрра ацхыраарала ҳнапала еиқәҳаршәоит, аха иақәҳартәо роуп иҳамам. 70 шықәса зхыҵуа аус руеит. Аҿар ҳамам. 100 гектра рҟынӡа адгьылқәа рзыцәаӷәахоит араион аҿы зсоциалтә ҭагылазаашьа уашәшәыроу аҭаацәарақәа хәыда-ԥсада. Араион аҿы ацәаӷәара иалагоит хәыҷык инаскьаганы. Аҿаҩақәеи архақәеи мызкы рыбжьоуп", - ҳәа иҳәеит Каҷабаа.
Инарҭбааны аиҿцәажәара шәаҳар шәылшоит аудиофаил аҟны.