Москва имҩаԥысуа жәларбжьаратәи атуристтә цәыргақәҵа МИТТ-2025 Аԥснынтәи иалаху рхыԥхьаӡараҿы иҟоуп аҭыԥантәи атурифирма "Аԥсуа тур" ахаҭарнакцәагьы. Дара ацәыргақәҵа аҟны ралахәхара ирнаҭо аԥышәеи ирзаанартуа алшара ҿыцқәеи ртәы арадио Sputnik аефир аҿы дазааҭгылеит "Аԥсуа тур" ахаҭарнак Викториа Маланиаԥҳа.
МИТТ-2025 иунаҭоит алшара аԥсшьаҩцәа иахьантәиаауа атәылақәа рҳәаақәа рырҭбаара ҳәа азгәалҭеит Маланиаԥҳа.
"Даара азҿлымҳара ҳарҭеит Ермантәылантәи. Ирҳәеит, аҵыхәтәантәи аамҭаз Аԥснынтә ирацәаҩны аԥсшьаҩцәа дара рахь ишнеиуа, убри аҟынтә ари ахырхарҭа аинтерес шрызцәырнагаз. Ирацәаҩуп Урыстәыла арегионқәа рҟнытә иааины иҳазҵаауагьы", - ҳәа лҳәеит Маланиаԥҳа.
Инеиҵыху аиҿцәажәара шәазыӡырҩыр шәылшоит аудиофаил аҿы.