Аԥсны

Аилахәыра "Аԥсныбылтәы" уаанӡатәи адиректор хада 1,5 миллион мааҭ ахараԥса ашәара иқәҵоуп

Sputnik
АҞӘА, хәажәкыра 20 - Sputnik. Аилахәыра "Аԥсныбылтәы" уаанӡатәи адиректор хада Беслан Аҩӡба 1,5 миллион мааҭ ахараԥса аҳәынҭқарра иазирхынҳәырц иқәҵоуп.
2024 шықәса ԥхынгәымзазы зрежим ӷәӷәоу ариашаратә колониаҿы имазара имхны 12 шықәса бахҭала ихигаразы ашьауӷа иқәҵан.
Иара ахара идҵан 8 епизодк рыла мҽхак дула амазара ахатәтәреи мҽхак дула аӷьычреи рзы. Ахьчаратә ган Аҟәатәи ақалақьтә ӡбарҭа азыӡба иахашшаит, Иреиҳаӡоу аӡбарҭа ахашшааратә коллегиахь аус аиҭахәаԥшразы ашәҟәы нанашьҭит.
Иреиҳаӡоу аӡбарҭа ашшыԥхьыӡ мап ацәнакит, аха идҵаз ашьауӷақәа рыхәҭақәа рҟны аиҭакрақәа ҟанаҵеит.
"Аԥсныбылтәы" ахь 144 миллион мааҭ инареиҳаны аграждантә зыҳәа ԥсахрада иаанхеит.