АҞӘА, хәажәкыра 20 - Sputnik. Рудольф Сақаниа Аԥсны Иреиҳаӡоу аӡбарҭа аӡбарала 7 шықәса зрежим ӷәӷәоу ариашаратә колониаҿы бахҭала ихигарц ашьауӷа иқәҵоуп.
Иара 2011 шықәса ԥхынгәы 5 рзы Бзыԥтәи аиҩхааҿы Раули Цоцориа гәҭакыла дишьит ҳәа ахара идҵоуп. Уи адагьы, Цоцориа иԥҳәыси иани миллион мааҭ рзишәароуп ҳәа иқәҵоуп.
Сақаниа 12 шықәса инареиҳаны дыбналаны дыҟан, 2023 шықәса абҵара 17 рзы дааныркылеит.