Хәажәкыра 11 инаркны ирылаган алекциақәа ацентр аҿы. Урҭ мҩаԥыргоит ААУ арҵаҩцәа. Аҵара процесс цоит есыҽны, шьыбжьоншьҭахь.
Астудентцәа аҵара рҵоит ахырхарҭақәа: аекскурсиамҩаԥгаҩцәа разыҟаҵара, аметодистцәа разыҟаҵара, аекскурсиамҩаԥгаҩцәа рыҩаӡара аизырҳара рыла.
Аекскурсиамҩаԥгаҩцәа разыҟаҵаразы зҽанызҵаз сынтәа еиҳауп, ҵыԥх аасҭа, 84-ҩык ыҟоуп. Аметодистцәа разыҟаҵаразы сынтәа агәыԥ зашьақәымгылеит. Аекскурсиамҩаԥгаҩцәа рыҩаӡара аизырҳара – 11-ҩык ыҟоуп.
Ацентр апрограмма шьақәгылоуп ҩ-хәҭакны: атеориеи апрактикеи рыла.
Инарҭбааны аиҿцәажәара шәаҳар шәылшоит аудиофаил аҟны.