АҞӘА, хәажәкыра 26 - Sputnik. Киев Урыстәылатәи аенергетикатә обиектқәа ишрыжәлац ирыжәлоит ҳәа аҳәамҭа ҟанаҵеит Урыстәыла Атәылахьчара аминистрра.
Хәажәкыра 25-26 рзы украинатәи адронқәа Ҟрымтәи агазҵәахырҭеи Бриансктәии Курсктәии аобластқәа рҿы иҟоу аенергетикатә обиектқәеи рыжәлара рҽазыршәеит.
Абас ала, Киев Ер-Риад Урыстәылеи Еиду Америкатәи аштатқәеи ирыбжьарҵаз аҭынчратә еиқәшаҳаҭрақәа реиҵаҟьаразы иалшо зегь ҟанаҵоит, Зеленски урҭ сыдыскылоит ҳәа иаартны ишиҳәазгьы ҳәа аҳәоит атекст аҿы.