Аԥснытәи ашколхәыҷқәа ҩымчыбжь иреиҳаны иҵуеит "Артек" иҟеижьҭеи. Иарбан усмҩаԥгатәқәоу дара рзы еиҿкаау, иарбан еимадароу ирыбжьарҵаз аԥсуа хәыҷқәеи алагер еиднакылаз егьырҭ атәылақәа рҟынтә аҿари, абри атәы арадио Sputnik иазеиҭалҳәеит Аҟәатәи Ашьхаруаа рышкол аҵаҩы Алиа Чагәааԥҳа.
Аԥснынтәи "Артекҟа" ашколхәыҷқәа 101-ҩык цеит. Ареспубликазы аквота алкаан аҩтәылак рҵара аминистррақәа реиқәшаҳаҭрақәа рҳәаа иҭагӡаны.
Алиа алагер аҿы амшынтә гәыԥ далоуп. Лҩызцәеи лареи афлыка иақәтәаны амшын ихылоит, уаҟа рхымҩаԥгашьа атәы рзеиҭарҳәоит, еицлабуеит.
Ахәыҷқәа "Артек" еиҭа раамҭа шырхырго атәы аиҿцәажәара шәаҳар шәылшоит аудиофаил аҟны.