95 шықәса раԥхьа апрель 4 рзы диит Аԥсны Жәлар рартист, Ахьӡ-аԥша аорден III аҩаӡара занашьаз Чынчор Џьниа. Иара 60 шықәса иааиԥмырҟьаӡакәа амилаҭтә театр аҿы аус иуан. Асатиреи аиумори ртеатр "Чарирама" далан, иҽҭиххьан афильмқәа рҿы. Изеиԥшрааз иара ицыхәмарра, иабанӡаҳаракыз иҟазара, абри атәы арадио Sputnik аефир аҿы еиҭеиҳәеит, Аԥсны зҽаԥсазтәыз артист Сырбеи Сангәлиа.
Сара исынасыԥхеит дызлаз аспектакльқәа рҿы ахәмарра, ҳәа азгәеиҭеит аиҿцәажәараҿы Сангәлиа.
"Аԥсуа театр ахьтәы абиԥара рыгәҭа далагылан Чынчор Џьниа. Дактиор дуун. Иҟазшьа бзиан. Адикциа бзиа иман. Актиортә ҟазара аӡәыр ицииуазар, уи иара иакәын", - ҳәа азгәеиҭеит Сангәлиа.
Инарҭбааны аиҿцәажәара шәаҳар шәылшоит аудиофаил аҟны.