АҞӘА, мшаԥы 4 - Sputnik. Урыстәыла АШәМ Подмосковие арратә ҵараиурҭақәа ркурсантцәа рзеиԥшынхарҭаҿы атеракт амҩаԥгара аԥдырҟәҟәааит.
Киев ихнахыз Урыстәыла Атәылахьчара аминистрра аруаҩ, аҵәахырҭаҟынтәи артҟәацгаз амаҭәашьархәҭақәа анҭигоз дааныркылеит.
Урыстәыла Аусеилыргаратә еилакы иазгәанаҭоит, агәҩара зызрымоу 49 шықәса зхыҵуа ахаҵа ззин ыҟам атеррористтә гәыԥ далахәын ҳәа.
Уи аганахь ала ашьаус аартуп.