Нижни Новгороди Аҟәеи аиашьара рыбжьоуп 2011 шықәса раахыс. Ақалақьқәа ирыбжьоуп аимадара бзиа, ҳәа азгәалҭеит аиҿцәажәараҿы Ҳашыгԥҳа. Ақалақь ахадацәа ирыбзоураны имҩаԥган аусура аиашьара арҭбааразы, нап аҵаҩын аиқәшаҳаҭрагьы, ҳәа лҳәеит лара.
"Ари ашықәс азы иазгәаҭоуп 60 пункт рыла аусмҩаԥгатәқәа еиуеиԥшым ахырхарҭақәа – аспорт, акультура, апатриоттә ааӡара уҳәа рыла. Лаҵарамза 28 инаркны хәымш имҩаԥгахоит аиԥыларақәа, астол гьежьқәа, амастер-классқәа. Нас ҳаргьы Аҟәа амшқәа Нижни Новгород имҩаԥаагаран ҳаҟоуп", – ҳәа еиҭалҳәеит Ҳашыгԥҳа.
Инарҭбааны аиҿцәажәара шәаҳар шәылшоит аудиофаил аҟны.