Аиааира Ду 80 шықәса ахыҵра аҳаҭыр азы Аԥснытәи аҳәынҭқарратә университет(ААУ) аҿы иазгәаҭоуп астудентцәа русумҭақәа рцәыргақәҵа. Ари аус шаԥшьгахаз, шаҟа усумҭа цәыргахо, иарбан жанроу излаарԥшхо, арадио Sputnik аефр аҟны еиҭеиҳәеит ААУ аҟазара афакультет адекан Ныгәзар Логәуа.
Раԥхьаӡа акәны иазгәаҭоу атемала аплакат ажанр аус адырур рҭахуп ацәыргақәҵаҟны, иҳәеит Логәуа. 30-ҩык астудентцәа активла иалахәып уи. Аплакат ажанр Аџьынџьтәылатә еибашьра Ду анцозгьы даара аҵак ду аман, ҳәа азгәеиҭеит Логәуа.
Ацәыргақәҵа аартра азгәаҭоуп мшаԥымза 29 рзы.
Аицәажәара инеиҵыхны ишәаҳар шәылшоит аудиофаил аҟны хыхь.