АҞӘА, мшаԥы 14 - Sputnik. Ҭаџьикисҭан мрагыларатәи ахәҭаҿы еиқәырццакны иҟалаз адгьылҵысрақәа ирыхҟьаны 94 ҩны еилабгеит.
200 инареиҳаны ахыбрақәа, ашкол, амедицинатә центрқәа, ачаижәырҭа аахақәа роуит.
Аҭӡамц аилабгара иахҟьаны ахәыҷы дыԥсит.
Актәи адгьылҵысра амчхара 5,9 ыҟан. Уи амҽыша, москватәи аамҭала 07:24 сааҭ рзы иҟалеит. Аҩбатәи ацәқәырԥа амчхара 4 ыҟан (асааҭ 10:14), ахԥатәи — амчхара 3 (асааҭ 11:33).
Иҷыдоу акомиссиа иҟалаз аԥхасҭа ахәшьара аҭарази, насгьы уи ахҟьаԥҟьақәа раԥыхрази аусурақәа рымҩаԥгара иаҿуп.