Урыстәылатәи аҳәынҭқарра ацхыраарала Аԥсны араионқәа рҟны абаҟақәа реиҭашьақәыргыларазы аусурақәа цоит. Маркәыла ақыҭан Аџьынџьтәылатәи еибашьра Ду аан иҭахаз аибашьцәа рбаҟа иагу, насгьы аремонттә усурақәа ахьынӡанагоу атәы арадио Sputnik иазеиҭеиҳәеит ақыҭа ахада Анри Хәырхәмал.
Ақыҭаҿы игылоуп амемориалтә комплекс ҩ-еибашьрак ирылахәыз рыхьыӡ атәы зҳәо. 2009 шықәса раахыс уаҟа аусурақәа мҩаԥырымгацызт. Уажәы акомплекс зегьы аиҭарҿыцра иаҿуп.
"Аныҳәанӡа ҳахьӡап ҳәа ҳгәы иаанагоит. Ақәа шлеиуагьы ақыҭа иатәу аҷкәынцәа аусура иаҿуп мышкы бжьамыжькәа", - ҳәа иҳәеит Хәырхәмал
Инарҭбааны аиҿцәажәара шәаҳар шәылшоит аудиофаил аҟны.