АҞӘА, мшаԥы 22 - Sputnik. Бадра Гәынба Аԥсны Аенергетика аминистрра аколлектив анапхгаҩ ҿыц Баҭал Мышәба дыдирдырит.
Мышәба анапхгаҩцәа реицлабра "Аԥсны акоманда" афинал ахь инеиз дыруаӡәкуп. Уи уаанӡа аенергетикеи атранспорти русбарҭа аиҳабыс дыҟан.
Аминистрцәа реилазаара аструктура атәыла ахада ишьақәирӷәӷәеит мшаԥымза 18 рзы. Атәыла Аиҳабыра 15 министрра, аҳәынҭеилакқәа 9, аусбарҭақәа 9 рыла ишьақәыргылоуп. Аенергетикеи атранспорти рминистрра Аенергетика аминистрра ҳәа еиҭакуп, атранспорт аусхк анапынҵақәеи амчрақәеи Аекономика аминистррахь анапы ианҵоуп.