Аиааира Ду амш иазку КВИЗ мҩаԥнагеит Аҟәа иҟоу Москва аҩны ашколхәыҷқәа алархәны. Аинтеллектуалтә хәмаррақәа рҟны аҳҭнықалақьтәи араионтә школхәыҷқәа 48-ҩык рдыррақәа ԥыршәеит Аџьынџьтәылатә еибашьра Ду атемала. Здыррақәеи, злогикеи, зҟазатә знеишьала егьырҭ ираԥызгаз акомандақәа алкаахеит.
КВИЗ амҩасшьеи, арыцхә азгәаҭара аҳәаақәа ирҭагӡаны Москва аҩны еиҿнакаауа аусмҩаԥгатәқәеи Sputnk астудиаҿы иалацәажәеит, «Москва Аҩны» аусмҩаԥгатәқәа реиҿкааразы аҟәша аспециалист хада Шьарида Ҭыжәбеи, аинтеллектуалтә хәмаррақәа рымҩаԥгатә Валери Берзениеи.