АҞӘА, лаҵара 23 - Sputnik. Урыстәылатәи аспециалистцәа аԥснытәи аенергетикцәа ирыцны Аԥсны аенергетикатә система аобиектқәа гәарҭеит ҳәа аанацҳауеит ареспублика Аенергетика аминистрра.
Аекспертцәа анаплакы иаӡбараны иҟоу азҵаарақәа ирылацәажәеит:
акрызҵазкуа аенергоҳақәа ртехникатә диагностика;
аинфраструктура аиҭашьақәыргылареи аҿиареи рзы астратегиа аԥҵара;
афымцамч аиагаратә системақәа рылшара аизырҳара;
иажәхьоу атрансформатортә станциамаҷқәа, афидерқәа, афымцашьаҟақәа рхыԥхьаӡара аилкаара.
"Иаку аенергетикатә система атехникатә гәаҭара", "Россети", "АтомЕнергоСбыт" рҟынтәи аекспертцәа ргәыԥ Аԥсны усурала иаҭааны иҟоуп.